Mund t’ju ketë ndodhur shumë herë që të ndiheni shumë të përgjumur teksa punoni. Janë disa ditë kur edhe kafja duket se nuk ju bën dot të shpëtoni nga ndjesia e përgjumjes dhe në këto raste nuk dini si të veproni sepse realisht nga momenti në moment mund t’ju zërë gjumi.
Megjithatë, ne kemi disa ide shumë të mira që mund t’ju vlejnë për t’u gjallëruar edhe kur jeni në ambientin e punës.
- Lëvizni pak – shkoni deri në banjë ose thjesht bëni disa xhiro në këmbë sa për t’u gjallëruar.
- Diskutoni për pak minuta me dikë që keni aty pranë, sepse shikimet sy më sy dhe ndonjë muhabet i këndshëm mund t’ju ndihmojnë të zgjoheni.
- Konsumoni fruta të thata, zakonisht arrat dhe bajamet janë më të rekomandueshme.
- Konsumoni një gotë ujë sepse ju ndihmon të hidratoheni dhe mund të fokusoheni më tepër.
- Uluni drejt sepse mënyra se si qëndroni ndikon në energjinë tuaj.
- Përpiquni të shtriqeni, rregulloni sidomos pjesën e qafës.
- Shpëlani fytyrën me ujë të ftohtë.
- Merrni frymë thellë disa herë resht.
- Përtypni çamçakëz.
- Fokusohuni në diçka që pëlqeni, p.sh. një këngë ritmike që ju ka mbetur në mendje.
