E keni parasysh kur dilni me partnerin/partneren tuaj nga shtëpia dhe ktheheni pas një dite të lodhshme apo të gëzueshme, për të ndenjur bashkë pranë e pranë në shtratin tuaj të ngrohtë?
Kjo i ka ndodhur edhe një çifti në Austri, por që kur janë kthyer në banesën e tyre janë hasur me një surprizë aspak të këndshme, e cila mund t’u kishte marrë edhe jetën nëse nuk do të ishin treguar të vëmendshëm.
Të dy janë futur në shtëpinë e tyre dhe në krevatin martesor kanë gjetur një djalë të ri, i cili rrinte i shtrirë, i zhveshur tërësisht dhe në dorë mbante një thikë. Burri i shokuar nga kjo ngjarje, ka mundur të filmojë një sekuencë të ngjarjes dhe më pas ka lajmëruar policinë, e cila ka bërë të mundur dhe arrestimin e djalit.
