Servet Pëllumbi foli në një intervistë në media për një “vetëpërjashtim” të Ben Blushit nga PS, pas daljes së referendumit që i jep fitoren Edi Ramës me 95 % të votave, pa asnjë kandidat përballë. Mimoza Hafizi, mbështetës e Ben Blushit, e ironizoi Pëllumbin, duke shkruar në rrjetet sociale: “Prof. Servet Pellumbi, shqiptari me i lumtur me rezultatin 95% te referendumit ne PS. Me ne fund partia u kthye te sh. Enver. Nostalgji!” Erion Braçe, që e ka të vështirë të mos fusë hundët edhe në çështje me të cilat nuk ka lidhje, i doli menjëherë në mbrojtje profesorit. “Neveri. Nëse ka një gjë neveritëse mes këtyre që kanë kauzë lirinë, është: Mungesa e respektit të thellë ndaj të gjithë kontribuesve historinë në PS. Për një arsye të thjeshtë; Nuk mendojnë si ata”, shkruan ndër të tjera deputeti i Lushnjes, në revoltën e tij të parë të kësaj jave. Javën e kaluar ai u revoltua në parlament pasi disa deputetë të PD e quajtën kone. /Lapsi.al
