Tuna është shpallur fituesja e edicionit të pestë të Dancing With the Stars”. Ashtu siç pritej, këngëtarja e hiteve me “zogun” ka triumfuar në natën finale të spektaklit të vallëzimit. Interpretimi i saj i tretë dhe final (tango), duket se i vuri vulën fitores së shumëpërfolur të artistes nga Maqedonia. Juria në unanimitet vlerësoi me pikët maksimale performancën e Tunës, e cila duhet thënë se gjatë këtij rrugëtimi gati 3-mujor, ka patur përkrahjen e fansave të saj, të cilët nuk i kanë kursyer mesazhet gjatë televotimit, një nga motivet kryesorë të kësaj fitore.
Lapsi.al katër javë përpara natës finale, në një artikull, hodhi dyshime mbi fitoren e përgatitur të Tunës, gjë e cila u konfirmua sonte në natën e fundit.
