Duke qenë se sonte në Los Angeles mbahet ceremonia e çmimeve “Grammy Awards”, si çdo vit, as Bleona nuk do të mungojë. Këngëtarja shqiptare në kërkim të famës në Shtetet e Bashkuara, ka 5 vjet që ndjek në sallë festën më të madhe të muzikës në botë. Sonte është një natë e veçantë për Bleonën, gjithashtu edhe pritshmëritë, për të parë se si do të shfaqet në tapetin e kuq të eventit “Grammy Awards”. Pas vëmendjes që tërhoqi nëntorin e shkuar në paraqitjen e saj me fustanin-rrjetë në AMA, personazhi shqiptar i reality show-t “Euros of Hollywood”, bëhet gati për një tjetër pjesëmarrje përpara kamerave të të gjithë botës. Parapërgatitja ka nisur, Bleona tregon momentet e para të grimit… A do të na habisë ajo edhe këtë rradhë?
