Për të sqaruar incidentin me deputetin Ristani, nga qeveria ka menduar drejtori i Komunikimit, Endri Fuga. Fillimisht në Twitter tha se Ristani ka shpikur një debat të paqenë. Kur s’i mjaftuan postimet me 140 gërma bëri një deklaratë më të gjatë në e -mail. Për ta bërë sa më të besueshme, në fund të saj nënshkroi jo vetëm si Drejtor i Komunikimit të Kryeministrit, por edhe si dëshmitar okular i tyrezës së Dialogut të Nivelit të Lartë, siç e shihni mëposhtë në e -mailin e shpërndarë nga zyra e shtypit pranë qeverisë.
Si i pranishëm në tryezë Fuga thotë se shefi i tij, Rama, ka qenë plotësisht etik me opozitën, ndërsa “famëkeqi” Ristani përdori fjalor të ulët.
Por a është i besueshëm syri i Partisë në tryezën e bisedimeve?
Ish -kryeministri Berisha e quan dëshmitar të rremë.
Ristani, edhe ai dëshmitar okular dhe protagonist i incidentit, e pranoi publikisht. Dhe nuk është i vetmi që gjendet në këtë pozitë. Pak muaj më parë kështu i rastisi edhe gazetarit dhe prezantuesit Adi Krasta.
