Flash

Zelensky: Trump dhe Xi Jinping mund t’i japin fund luftës në Ukrainë me një takim të vetëm

Lapsi.al 19 November 2026

Zelensky: Trump dhe Xi Jinping mund t’i japin fund luftës në

Presidenti ukrainas, Volodymyr Zelensky beson se Donald Trump dhe Xi Jinping kanë fuqinë politike dhe ekonomike për t’i dhënë fund luftës në Ukrainë, madje edhe përmes një takimi të vetëm. Megjithatë, ai paralajmëroi se çdo negociatë për paqen që zhvillohet pa pjesëmarrjen e Kievit do të ishte një “gabim i madh”.

Në një intervistë, përpara bisedimeve të pritshme trepalëshe mes Shteteve të Bashkuara, Rusisë dhe Kinës, Zelensky kundërshtoi idenë që fuqitë e mëdha të vendosin të ardhmen e vendeve të tjera pa përfshirjen e tyre. 

“Vendet e mëdha besojnë se mund të marrin vendime për të ardhmen e botës”, deklaroi ai, duke theksuar se asnjë shtet nuk mund të marrë vendime për një vend tjetër, pavarësisht madhësisë së tij, pa pjesëmarrjen e drejtpërdrejtë të atij vendi.

Zelensky kërkon presion të përbashkët ndaj Moskës

Pavarësisht kundërshtimeve për negociatat pa Ukrainën, presidenti ukrainas vlerësoi se Uashingtoni dhe Pekini kanë ndikim të mjaftueshëm për të detyruar presidentin rus Vladimir Putin të ndalojë luftën. Sipas tij, një koordinim mes Donald Trump dhe Xi Jinping, veçanërisht përmes kërcënimit me sanksione tregtare ndaj Rusisë, mund të ndryshojë situatën.

“Mes SHBA-së dhe Kinës ka fuqi të mjaftueshme për ta ndaluar Putinin në një takim”, u shpreh Zelensky.

Ai argumentoi se do të mjaftonte që dy liderët të paralajmëronin vendosjen e sanksioneve ndaj tregtisë me Rusinë për të ushtruar presion vendimtar mbi Kremlinin. Deklaratat e Zelenskyt vijnë në një moment të rëndësishëm diplomatik, kur roli i SHBA-së dhe Kinës në përpjekjet për t'i dhënë fund konfliktit në Ukrainë është gjithnjë e më shumë në vëmendjen ndërkombëtare. Megjithatë, presidenti ukrainas këmbëngul se çdo marrëveshje për të ardhmen e vendit duhet të arrihet me pjesëmarrjen e vetë Ukrainës.

Të këshilluara

ide

Parodia me taksimin e të pasurve nga kryeministri i tyre

Pavarësisht nga retorika, nuk mund të përkundet asnjë iluzion, se Edi Rama i është bashkuar trendit global për reduktimin e pabarazive. Sepse debati që po gëlon sot ka në thelb shqetësimin se mos thellimi i tyre po çon drejt shkatërrimit të demokracisë. Ndërsa tek ne ndodh e kundërta. Eshtë vullneti për të asgjesuar demokracinë që po prodhon më shumë pabarazi

13:31 Andi Bushati

MOTI TIRANA

20°c

KËMBIMI EURO

90.02

aktuale

Ndiqe Lapsin edhe në

Me interes nga publiku

Me sytë katër

PAPARAZZI