Madonna ka reaguar në rrjetet sociale pas performancës së saj në MTV VMAs 2026, e cila shkaktoi reagime të shumta nga fansat.
Këngëtarja 68-vjeçare u rikthye në skenën e ceremonisë të dielën, ku performoi “Bring Your Love” së bashku me Sabrina Carpenter, ndërsa më vonë u shfaq edhe me Charli XCX.
Disa fansa e kritikuan performancën, duke e cilësuar si “pa fokus” dhe “të çoroditur”, ndërsa të tjerë pretenduan se Madonna dukej e lodhur dhe pa frymë gjatë interpretimit.
Këngëtarja nuk iu përgjigj drejtpërdrejt kritikave. Të mërkurën, ajo publikoi në Instagram disa fotografi nga prapaskenat e ceremonisë.
“Ndihem shumë mirë! Faleminderit një ekipi të jashtëzakonshëm njerëzish që punuan fort për të realizuar vizionin tim. E bëra gjithçka për dashurinë”, shkroi ajo.
Pavarësisht reagimeve të ndara, Madonna pati një mbrëmje të suksesshme, duke fituar shtatë çmime, përfshirë Artistja e Vitit, Bashkëpunimi më i Mirë dhe Albumi më i Mirë.
Gjatë ceremonisë, ajo shkaktoi edhe një moment të sikletshëm kur, teksa po merrte një çmim së bashku me Charli XCX dhe Troye Sivan, tha me shaka se nuk ishte e sigurt se për çfarë po e merrte trofeun.
Rikthimi i Madonnës në VMAs erdhi më shumë se dy dekada pas performancës së famshme të vitit 2003, kur ajo puthi Britney Spears në skenë. Albumi i saj i fundit, “Confessions II”, u publikua më 3 korrik dhe është vazhdim i albumit të suksesshëm “Confessions on a Dance Floor”.
