Papa Leoni XIV do t'i nënshtrohet një operacioni për të hequr një nyjëz nga mushkëria e tij në ditët në vijim.
Kreu 71-vjeçar i Kishës Katolike Romake njoftoi se mjekët e zbuluan nyjëzën tumorale gjatë ekzaminimeve të fundit mjekësore, duke sqaruar se është në një fazë shumë të hershme.
Njoftimi u bë gjatë shërbesës tradicionale të lutjes së së dielës në Vatikan, në prani të besimtarëve të mbledhur në Sheshin e Shën Pjetrit. Papa Leoni falënderoi besimtarët për mbështetjen e tyre dhe u kërkoi atyre të luten për shëndetin e tij, në prag të operacionit.
“Dua t'i shpreh Papa Leonit afërsinë time personale, si dhe atë të të gjithë qeverisë italiane, për sprovën me të cilën do të përballet në ditët në vijim", - theksoi kryeministrja italiane Giorgia Meloni në një deklaratë me shkrim .
"Qetësia me të cilën Papa iu referua sot kësaj sprove, pas lutjes Angelus, na bën optimistë. Jam i sigurt se dashuria dhe mbështetja e popullit italian gjithashtu nuk do të mungojnë", - përfundoi Meloni. ©LAPSI.al
