Një incident tronditës ndodhi të martën në një aeroport të Kalifornisë kur një pasagjer 26-vjeçar i një avioni “Delta Airlines” vodhi një kamion rimorkimi në pistë, u përplas me një automjet tjetër dhe më pas u përpoq të rrëmbente një kamion të linjës ajrore përpara se të arrestohej.
Siç raporton CNN, pasagjeri, i cili ishte planifikuar të fluturonte për në Seattle, doli nga një derë dhe vodhi një kamion rimorkimi, një lloj automjeti që përdoret për të lëvizur bagazhet ose avionët në aeroport, dhe e çoi atë në Portën 7, ku u përplas me një automjet tjetër.
I riu më pas u përpoq të vidhte një kamion mirëmbajtjeje tualeti të American Airlines, por u arrestua nga policia e aeroportit. Ai akuzohet për vjedhje të një automjeti, hyrje pa leje dhe vandalizëm.
“Pati një shkelje të sigurisë në aeroport. Duket se dikush vodhi një kamion rimorkimi, kështu që ata praktikisht i ndaluan operacionet", - u tha një kontrollues i trafikut ajror pilotëve që prisnin në pistë. ©LAPSI.al
A Delta passenger at John Wayne Airport stole a tug and drove it around the tarmac before crashing into another vehicle, officials say. https://t.co/6hya3tBFOy https://t.co/KCl27sOyXV
— ABC News (@ABC) October 8, 2026
