Kosova mposhti Irlandën 1-0 mbrëmjen e sotme në Prishtinë, në stadiumin “Fadil Vokrri”. Kjo ndeshje shënoi takimin hapës për të dyja skuadrat në Grupin B3 të UEFA Nations League. Ishte një mbrëmje për t’u harruar për Irlandën, pasi goli i vonë i Vedat Muriqit i siguroi skuadrës së teknikut Franko Foda tre pikët.
Rezultati ishte më i pakti që Kosova meritonte dhe, në fund, Irlanda ishte me fat që nuk pësoi më shumë gola. Sulmuesi kryesor dhe kapiteni i sapoemëruar, Vedat Muriqi, shënoi golin e fitores në minutën e 83’. Goli fillimisht u vonua për shkak të një rishikimi nga VAR-i, por më pas u konfirmua dhe u akordua.
Kosova dominoi krejtësisht ndeshjen me 23 gjuajtje, 6 prej të cilave në kuadrat, krahasuar me vetëm 3 gjuajtje të Irlandës, nga të cilat vetëm 1 në kuadrat. Duke vlerësuar atë që u pa në fushën e lojës, Irlanda u dominua dukshëm gjatë ndeshjes, ndërsa Kosova rrëmbeu tre pikë të rëndësishme në nisje të fushatës së saj në Nations League.
Tifozët vendas festuan me zë të lartë një natë të paharrueshme, ndërsa për Irlandën tani vjen përballja me Izraelin dhe e gjithë zhurma që do ta shoqërojë atë të dielën e ardhshme. Kjo ishte përballja e parë mes ketyrë dy përfaqësueseve, që shkoi në favor të Kosovës. Duelin e radhës “Dardanët” do e luajnë në transfertë ndaj Austrisë.
Posts from the soccer
community on Reddit
