Një konflikt i ndodhur mbrëmjen e djeshme në Bulqizë ka përfunduar me tre persona të plagosur, ndërsa policia është në kërkim të dy autorëve të dyshuar. Sipas njoftimit të policisë, në konflikt janë përfshirë në një përplasje fizike tre persona, të cilët janë shoqëruar menjëherë nga shërbimet e Policisë në ambientet e Komisariatit të Policisë Bulqizë për sqarimin e rrethanave.
Uniformat blu bëjnë me dije se, rreth orës 21:00, në ambientet e jashtme të një lokali në qytet, janë mbledhur familjarët e personave të shoqëruar në komisariat. Në këtë moment ka ndodhur një tjetër konflikt fizik mes shtetasve J. C. dhe Y. Sh. me shtetasit R. D., A. K. dhe R. T. Shërbimet e Policisë po krehin zonën, me qëllim kapjen e dy autorëve të dyshuar të kësaj ngjarjeje, shtetasve J. C. dhe Y. Sh, thotë policia.
