Policia e Tiranës ka arrestuar babain dhe kushëririn e Erisjaldo Gjuta, i dashuri i 18-vjeçares u vetëplagos. Policia njofton se në pranga ranë Saimir dhe Elvir Gjuta, për moskallëzim të krimit.
I dashuri i 18-vjeçares, Erisjaldo Gjuta posedonte pistoletën që e dashura e tij u vetëplagos. Ngjarja ka ndodhur mbrëmjen e 14 shkurtit në Hotel "Gjuta" në Sauk.
“Specialistët për Hetimin e Krimeve kundër Jetës dhe Pronës kapën shtetasit S. Gj. dhe E. Gj., të cilët ishin shpallur në kërkim për veprat penale “Moskallëzimi i krimit” dhe “Veprime që pengojnë zbulimin e së vërtetës”, kryer në bashkëpunim, për ngjarjen e ndodhur më datë 14.02.2026, në Sauk, ku u vetëplagos një 18-vjeçare. Pas konsultimit me Prokurorin, u vendos që këta shtetas të hetohen në gjendje të lirë.”, sqaron policia.
