Një 48-vjeçar i ka dhënë fund jetës duke konsumuar substanca të ndaluara, dyshohet fostoksinë. Mësohet se 48-vjeçari është marrë me urgjencë nga ambulanca e spitalit të Pogradecit për t'u transportuar drejt Tiranës, por ka ndërruar jetë rrugës për shkak të gjendjes tejet të rënduar.
Nuk dihen ende shkaqet që kanë çuar 48-vjeçarin të ndërmarrë këtë akt, ndërsa trupi është sjellë në morgun e spitalit të Pogradecit ku do t'i nënshtrohet ekspertizës mjeko ligjore. Nga ana tjetër, policia po punon për zbardhjen e plotë të rrethanave.
