Ka nisur mbledhja e Grupit Parlamentar të Partisë Socialiste ku po prezantohet ndryshimi ligjor sa i përket nismës së kryeministrit Edi Rama mbi imunitetin e ministrave.
Ulsi Manja ka deklaruar se pezullimi nga detyra është ndërhyrje e tërthortë e gjyqësorit në pushtetet e tjera dhe është baraz me shkarkimin. Bëhet fjalë për ndryshimin e nenit 242 të procedurës penale.
“Përpara se të sqaroj se cili është qëllimi i këtij propozimi. Më lejoni të bëj një prezantim te nismës. Cfarë propozojmë ne konkretisht. Ky nen ka të bëj me masat ndaluese. Në pikën 1 te këtij neni sqarohen masat ndalues, pezullimi nga detyra, që është një masë gjyqësore që garanton hetimin dhe ndalimin e ushtrimit të veprimtarisë së caktuar që lidhet me atë që shqyrton gjykata. Nuk jemi te e dyta por te pezullimi. Në pikën 1 të këtij neni thuhet, masa e pezullimit nga detyra nuk shtrihet në ligjin elektoral dhe referuar Kodit Zgjedhor, dhe sipas Kodit zgjidhen zgjidhen anëtarët e Këshillit Bashkiak dhe deputetët. Ne propozojmë që në pikën 2 të shtohet dhe rrethi i subjekteve që nuk mund të pezullohen nga detyra. Edhe ky rreth subjektesh shtohet me Presidentin e Republikës, Avokatin e Popullit, zv/Kryeministrin, ministrat, anëtarët e Gjykatës Kushtetuese dhe Kryetarin e KLSH.”-tha Manja.
