Analiza e ADN-së ka vërtetuar shkencërisht se autori i abuzimit seksual të vajzës 12-vjeçare në Pogradec është Rrushan Selko, 67 vjeç. Burime nga grupi hetimor konfirmojnë se materiali gjenetik i fetusit përputhet plotësisht me atë të të moshuarit, i cili kishte njohje të hershme me familjen e viktimës.
E mbrojtur nga prania e psikologut, vajza ka rrëfyer se është kërcënuar vazhdimisht nga autori për të mbajtur ngjarjen të fshehtë. Ngjarja e rëndë doli në dritë më 30 dhjetor, pasi u konfirmua se e mitura ishte në javën e 22-të të shtatzënisë.
Policia dhe prokuroria kanë marrë në pyetje familjarët dhe po dokumentojnë çdo provë për të mbyllur dosjen hetimore. Autoritetet po e trajtojnë rastin me prioritet të lartë, duke u fokusuar te ndihma mjekësore dhe mbështetja psikologjike për të miturën, ndërsa i dyshuari ndodhet nën proces hetimi intensiv.
