Një 53-vjeçar, i shpallur në kërkim ndërkombëtar është arrestuar në Shijak, me qëllim ekstradimi drejt Italisë. Bëhet fjalë për Festim Keci, i dënuar nga drejtësia italiane me 9 vite burg për trafik të lëndëve narkotike, pjesëmarrje në organizatë kriminale dhe shfrytëzim prostitucioni. Arrestimi u krye pas një pune të koordinuar për gjurmimin dhe lokalizimin e personave në kërkim.
Operacioni u realizua nga specialistët e Seksionit për Hetimin e Narkotikëve, në bashkëpunim me Komisariatin e Policisë Shijak dhe Forcat Operacionale të Drejtorisë Vendore të Policisë Durrës. Sipas njoftimit zyrtar, Keci ishte shpallur në kërkim ndërkombëtar pasi Gjykata e Apelit e Torinos, në vitin 2023, e ka dënuar me 9 vite burg për veprat penale të parashikuara nga Kodi Penal italian: trafikim të lëndëve narkotike, pjesëmarrje në organizatë kriminale dhe shfrytëzim prostitucioni.
