Një zënkë e cila më pas ka përfunduar në përdorimin e mjeteve prerëse ka ndodhur në qytetin e Sarandës. Ngjarja ka ndodhur mbrëmjen e djeshme në lagjen nr.4 të qytetit. Konkretisht janë plagosur Enea Qorri dhe Arnest Gjoncaj.
Gjoncaj, banues në fshatin Gjashtë, është i goditur me thikë pas shpine. Si pasojë e plagëve të marra ai është nisur me urgjencë drejt Tiranës. Ndërsa, Enea Qorri i cili ka mbetur i plagosur rezulton të jetë me precedentë të mëparshëm penalë. Policia e Sarandës ka nisur hetimet për ngjarjen dhe po punon për zbardhjen e plotë të saj.
