Situata para godinës së Parlamentit vijon të jetë e agravuar, pas përplasjes së mbështetësve të Partisë Demokratike me efektivët e Policisë. Deputeti i Partisë Demokratike, Luçiano Boçi komentoi situatën e tensionuar gjatë protestës së opozitës, duke kritikuar ndërhyrjen e policisë ndaj protestuesve. Boçi u shpreh se policia ka hedhur spraj drejt fytyrës së deputetëve dhe protestuesve për t’i shpërndarë. Ai shtoi se qëndrimi i protestuesve është i drejtë dhe se ndërhyrja e policisë nuk duhet të pengojë zërin e qytetarëve.
“Policia duhet të bëjë detyrën jo të godasë qytetarët dhe të hedhë gaz lotësjellës. Sjellja e tyre në disporpocion. Shtoi tensionin që u reflektua para Kuvendit. Do të vijojmë të qëndrojmë këtu. Persona të caktuar, policë domethënë, janë jashtë ushtrimit të detyrës të tyre. Kanë goditur qytetarët. Na kanë provokuar dhe ne si deputetë. Ne jemi protestues sot, pretendojmë gjëra të tjera. Kjo protestë nuk ka skenarë. Janë qytetarët ata që kanë krijuar qytetarët. Protestën do e shohim në vazhdimësi”, tha Boçi.
