Partia Demokratike do të zhvillojë ditën e sotme protestën përpara kryeministrisë që do të nisë në orën 17:00. Kjo protestë e dytë kombëtare kërkon largimin e kryeministrit dhe zëvendëskryeministres Belinda Balluku. Gjithashtu kërkohet krijimi i një qeverie teknike që do ta çojë vendin drejt zgjedhjeve të reja.
Ndërkohë në terren janë angazhuar 1350 efektivë të policisë së shtetit. Ndërkohë godina e kryeministrisë është siguruar në pjesën e jashtme me veshje metalike në rast se do të krijohen trazira.
Protesta e PD-së do të zhvillohet në bulevardin “Dëshmorët e Kombit” përpara kryeministrisë. Nga ora 15:00 deri në përfundim të tubimit do të bllokohet lëvizja e makinave në bulevardin ”Dëshmorët e Kombit”, nga kryqëzimi afër Ministrisë së Brendshme deri te sheshi “Nënë Tereza”. Po ashtu, do të bllokohen dy rrugët rreth Piramidës, “Ismail Qemali dhe “Papa Gjon Pali II’, si edhe rrugët që degëzohen nga Bulevardi drejt ish-Bllokut.
