Sophie Turner dhe vokalisti i grupit Coldplay, Chris Martin raportohet se kanë kaluar një mbrëmje së bashku, vetëm një javë pasi marrëdhënia e saj me Peregrine Pearson përfundoi përfundimisht në fund të shtatorit, shkruan Daily Mail.
Turner dhe Pearson, një aristokrat britanik, u ndanë pasi morën pjesë në një dasmë ku, sipas burimeve, ata u panë “duke debatuar dhe grindur mes puthjeve të zjarrta në pistën e kërcimit”. Vetëm një javë më vonë, Turner dhe Martin thuhet se u panë në një takim.
Martin, i cili u nda nga aktorja Dakota Johnson, 36 vjeç, në qershor pas gati tetë vitesh lidhjeje, ka qenë më parë i martuar me Gwyneth Paltrow. Ai dhe Paltrow kanë dy fëmijë: Apple, 21 vjeç, dhe Moses, 19 vjeç. Edhe Turner është nënë e dy vajzave – Willa, 5 vjeç, dhe Delphine, 3 vjeç – që i ka me ish-bashkëshortin Joe Jonas.
Aktorja është një fanse e madhe e këngëtarit të Coldplay. Në vitin 2020, ish-bashkëshorti i saj, Joe Jonas, e suprizoi me një mesazh urimi për ditëlindje nga Chris Martin në emisionin e tij “Cup of Joe” në platformën Quibi.
Në video, Martin i thoshte: “Përshëndetje, jam Chris nga Coldplay. Dua të të uroj ditëlindjen më të bukur në emër të gjithë grupit. Të dërgoj gjithë dashurinë time dhe shpresoj që po kalon një ditë të mrekullueshme.”
Sophie u emocionua aq shumë sa mezi mbajti lotët dhe iu drejtua Jonas-it duke i thënë: “Nuk do të qaj në kamera,” përpara se t’i jepte atij një “high five” për gjestin e ëmbël.
