Shkaku i vdekjes së aktorit Julian McMahon, i cili u bë i famshëm me rolet e tij në serialet Nip/Tuckdhe Charmed, është bërë publik.
Sipas një raporti të përpiluar nga Zyra e Mjekësisë Ligjore në Pinellas County, Florida, të siguruar nga revista PEOPLE, aktori ndërroi jetë si pasojë e metastazave të mushkërive, që u shkaktuan nga një kancer metastatik i kokës dhe qafës.
Gruaja e aktorit, Kelly, në një deklaratë për PEOPLE më 4 korrik, konfirmoi ndarjen nga jeta të bashkëshortit të saj pas një beteje të gjatë dhe të heshtur me kancerin.
“Me zemër të hapur, dua të ndaj me botën se bashkëshorti im i dashur, Julian McMahon, u nda nga jeta këtë javë, pas një përpjekjeje të guximshme për të mposhtur kancerin,” – u shpreh Kelly.
“Juliani e donte jetën. E donte familjen e tij, miqtë, punën, dhe mbi të gjitha – fansat e tij. Dëshira më e thellë e tij ishte të sillte gëzim në sa më shumë jetë të ishte e mundur,” shtoi ajo.
“Kërkojmë mbështetje dhe privatësi për familjen tonë gjatë kësaj kohe zie. Dhe urojmë që ata që Julian i ka prekur me gëzim, ta vazhdojnë jetën duke e ndjerë këtë dritë.”
Në Charmed, McMahon luajti rolin e Cole Turner mes viteve 2000 dhe 2005, një nga personazhet më të dashur dhe të diskutuar të serialit.
