Dakota Johnson dhe Chris Martin i kanë dhënë fund lidhjes së tyre pas pothuajse tetë vitesh së bashku.
Sipas burimeve të afërta për The US Sun, ndarja ka ardhur për dy arsye kryesore: diferenca në moshë dhe mospërputhja e dëshirave për të krijuar familje.
Burimi shprehet se Dakota kishte shpresuar për një të ardhme të përbashkët me Chris-in dhe ka vuajtur shumë pas çdo ndarje. Ajo ishte e lidhur emocionalisht jo vetëm me partnerin, por edhe me fëmijët e tij nga martesa me Gwyneth Paltrow – Apple (21 vjeç) dhe Moses (19 vjeç).
“Ajo e donte vërtet atë dhe fëmijët e tij, dhe ai e donte po ashtu. Por lidhja e tyre ka qenë gjithmonë me ulje dhe ngritje, dhe në fund, gjërat nuk po funksiononin,” – është shprehur burimi.
Një nga temat më të ndjeshme mes çiftit ishte çështja e fëmijëve. Johnson ka shprehur dëshirën që në të ardhmen të bëhet nënë, ndërkohë që Martin, tashmë baba i dy fëmijëve, nuk e ka këtë dëshirë.
Çifti ka qenë në një lidhje që nga viti 2017, e cila shpesh ka qenë on-off, me aludime për ndarje në 2019 dhe më vonë për fejesë. Në vitet e fundit, Dakota është parë disa herë me një unazë smeraldi në dorë, duke shtuar thashethemet për një martesë të mundshme.
