Në mesin e shumë paraqitjeve publike së bashku gjatë muajve të fundit, aktori Tom Cruise ka folur hapur për respektin dhe admirimin që ka ndaj aktores Ana de Armas gjatë premierës në New York të filmit të tij të ri Mission: Impossible — The Final Reckoning, të dielën më 18 maj.
“Ana është shumë, shumë e talentuar, një aktore dramatike e shkëlqyer, komike, me aftësi të jashtëzakonshme, mëson shpejt,” tha Cruise për Extra.
Ai e përsëriti vlerësimin edhe në një intervistë për Access Hollywood, duke thënë: “Aftësitë e saj janë të pabesueshme. Ajo është një aktore me talent të vërtetë dramatik dhe komik, jashtëzakonisht e zonja.”
"Sapo ta shikoni në Ballerina, dhe e shihni përkrah Keanu Reeves... është thjesht një aktore e shkëlqyer,” shtoi aktori.
Komentet e tij erdhën pak pas lavdërimeve të tij të para për de Armas dhe filmin e saj të ardhshëm, Ballerina – një spin-off i sagës John Wick – gjatë premierës në Londër të The Final Reckoning. “E kam parë filmin — është fantastik,” tha aktori i Top Gun: Maverick me buzëqeshje në një video të postuar në Instagram të enjten, më 15 maj.
Ana de Armas së fundmi konfirmoi se ajo dhe Cruise po punojnë bashkë në “disa projekte”, gjatë një paraqitjeje në Good Morning America të enjten. Komentet e saj erdhën pas paraqitjes së tyre të parë publike në shkurt. Që atëherë, janë parë disa herë së bashku, përfshirë edhe një shëtitje në Londër për ditëlindjen e 37-të të de Armas muajin e kaluar.
