Pavarësisht orarit të saj të ngarkuar, Gwyneth Paltrow ende gjen kohë për të komunikuar me mikeshat e saj të ngushta.
Disa muaj pasi hodhi poshtë thashethemet për një grindje të mundshme mes saj dhe Meghan Markle, themeluesja e Goop tha se ato kanë mbetur në kontakt.
“Kemi një shoqëri përmes mesazheve deri tani,” i tha ajo revistës People të shtunën, ndërsa ishte pjesëmarrëse në Samitin e Manifestimit të Mindvalley. “Kam udhëtuar goxha shumë.”
Thashethemet për një grindje nisën pasi Paltrow tha se nuk e njihte aspak fqinjën e saj në Montecito.
“Nuk e njoh Meghan dhe Harry-n,” i tha ajo Vanity Fair. “E kam takuar Meghan-in, por duket shumë e dashur, por nuk e njoh fare. Ndoshta do përpiqem të kaloj sigurinë e tyre dhe t’u çoj një ëmbëlsirë.”
Duke folur për thashethemet, Paltrow i tha People: “Nuk më pëlqen kjo gjë, kur njerëzit përpiqen të vënë gratë kundër njëra-tjetrës.”
Në fakt, në mars, Paltrow hodhi poshtë shpejt spekulimet për ndonjë mosmarrëveshje mes tyre.
“Nuk e kuptoj fare këtë gjë, absolutisht,” tha ajo në një video në Instagram Story, ndërsa u përgjigjej pyetjeve të ndjekësve.
Një fans e pyeti: “Është vërtet grindja me Meghan Markle?”
Paltrow më pas e zhvendosi telefonin në të majtë, duke treguar Meghan Markle duke ngrënë një copë ëmbëlsirë në tryezën e kuzhinës, ndërsa qeshte. Markle gjithashtu e postoi këtë video në Instagram Story-n e saj.
Kur u pyet nëse do të dëshironte të shfaqej në sezonin e ardhshëm të shfaqjes të Markle në Netflix, “With Love, Meghan”, aktorja u përgjigj:
“Pse jo? Kurrë nuk i dihet. Nuk jam ndonjë mjeshtre në gatim, por gjithmonë përpiqem.”
