Drew Barrymore ndau së fundmit se nuk ka bërë asnjëherë ndonjë operacion plastik gjatë një sesioni pyetje-përgjigje me audiencën në “The Drew Barrymore Show”.
"Na thuaj sekretin tënd për tu plakur me hijeshi dhe për të qenë kaq rehat në lëkurën tënde?” – e pyeti një fanse. Barrymore u përgjigj: “Nuk kam bërë asgjë dhe dua të përpiqem ta mbaj kështu.”
Megjithëse ajo preferon të pranojë pamjen e saj natyrale, prezantuesja e talk show-t theksoi se nuk gjykon të tjerët që zgjedhin ndërhyrje dhe madje ka një mike që u bë më e sigurt në vetvete pas disa procedurave.
“Por jam gjithashtu e mendimit: bëj atë që funksionon për ty. E vetmja gjë që di me siguri është se nuk duhet të gjykojmë të tjerët që zgjedhin ndryshe,” tha aktorja. “Të gjithë jemi në rrugën tonë dhe duhet të mbështesim njëri-tjetrin.”
Barrymore pranoi gjithashtu se ndonjëherë ndjehet jo rehat me disa pjesë të trupit ndërsa plaket: “Shoh që më është formuar një ‘qafë gjeli’ dhe kam edhe disa raste kur them, ‘Oh wow! Ja ku jemi tani.’”
Megjithatë, ajo përpiqet ta përqafojë ndryshimin e pamjes duke qenë më e mirë me veten.
“Dua t’i them vetes të mos jem kaq e ashpër,” tha ajo.
“Sa më të mira, të duruara, të qëndrueshme, të dashura dhe më pak gjykuese të jemi me veten, aq më mirë është për shëndetin tonë mendor dhe shpirtëror — gjë që ndikon edhe në fytyrën tonë.”
Ajo shtoi: “Një buzëqeshje është më e mirë se çdo buzëkuq që mund të blesh.”
Drew i tha audiencës se fokusohet në një “dialog të brendshëm” që nuk është i ashpër dhe përpiqet të mos vërej menjëherë çdo "defekt".
