Lily Allen ka shprehur pendesë për kritikat ndaj Katy Perry rreth fluturimit të saj në hapësirë me Blue Origin.
Këngëtarja e "Smile" e ka pranuar se ky qëndrim ndaj Perry ishte një shprehje e "misogjinisë së brendshme" dhe ka kërkuar falje për këtë gjatë një episodi të podkastit të saj "Miss Me?" të hënën.
"Po flasim për një grua shumë të njohur dhe do të doja të kërkoja falje për atë që kam thënë për Katy Perry javën e kaluar," tha Allen.
Ajo theksoi se kishte qenë e panevojshme të shprehte kritika ndaj Perry, sidomos duke qenë se ajo ishte një nga gjashtë gratë që udhëtuan në hapësirë, mes të cilave edhe Lauren Sánchez, gazetari Gayle King, inxhinierja Aisha Bowe, aktivistja Amanda Nguyen dhe producentja e filmit Kerianne Flynn.
Këngëtarja e njohur e "LDN" shpjegoi se, megjithëse ishte kundër ideologjisë pas këtij fluturimi, Perry nuk ishte i vetmi person që mori pjesë.
Allen e pranoi që ky ishte një shembull i "misogjinisë së brendshme", duke reflektuar se ajo do të ndiheshte keq nëse dikush në industrinë e saj do të përdorte emrin e saj në një mënyrë të tillë.” Më fal Katy Perry. E di që nuk e dëgjon këtë podcast, gjithsesi më fal.
Ky reagim vjen pas disa komenteve që Allen bëri javën e kaluar, ku kritikoi fluturimin e Perry duke thënë se ishte "jashtë çdo realiteti" dhe se "nuk ka asnjë arsye shkencore" për të dërguar njerëz në hapësirë në këtë mënyrë.
Perry, nga ana e saj, ka reaguar me një pyetje për fansat gjatë një koncerti në Meksikë: "A ju kan thënë ndonjëherë që ëndrrat tuaja janë të çmendura?"
