Tërmet Peçi është një nga karikaturat politike të Edi Ramës në pushtetin vendor dhe me gjasë pas 11 majit do ta shihni edhe në parlament si deputet të qarkut Gjirokastër.
Tërmeti e ka nisur vrullshëm fushatën edhe në rrjetet sociale, madje do të duket aq interesant sa komandanti i tij, Edi Rama. Në një postim sot në mëngjes, ai citon madje edhe shkrimtarin e madh Ismail Kadare.
Kush e njeh Tërmetin si gaztorin e oborrit të Rilindjes, e di shumë mirë se ai s’ka asnjë lidhje me librat dhe shkollën. Madje sa për shkollën, nuk dihet as sa klasë ka bërë. Por shkolla nuk është kriter për të bërë karrierë me Rilindjen. Përkundrazi, mund të jetë pengesë në shumë raste.
Mjafton të kesh rekorde kriminale dhe t’i servilosesh Edi Ramës. Tërmeti i plotëson të dyja këto kritere ndaj dhe është mbështetur nga kupola e Rilindjes si kryetar bashkie dhe tani si deputet.
Kadareja i ndjerë kushedi se ç’do të kishte menduar po të ishte gjallë e të mësonte se si një farë Tërmeti i Edi Ramës po i citon pjesë nga vepra e tij. Merrni frymë thellë dhe lexojeni për zbavitje!
“MIRËMËNGJES
"Si ka thënë dhe Kadare: "Në këtë qytet ishin të bukura sidomos mëngjeset"...
Nga mrekullia e gurtë ju urojmë ditë dhe fundjavë të mbarë”, shkruan Tërmet Peci.
