jë 19-vjeçar shqiptar është riatdhesuar nga Sierra Leone në Shqipëri këtë të enjte. Bëhet fjalë për të riun me iniciale F.T, familjarët e të cilit kishin deklaruar se i rrezikohej jeta në kontinentin afrikan dhe kishin kërkuar ndihmë nga autoritetet.
Lajmi bëhet i ditur nga Ministria për Evropën dhe Punët e Jashtme, ku përmes një reagimi zyrtar bën me dije se i riu është kthyer i sigurt dhe i shëndetshëm pranë familjes së tij.
“Nëpërmjet kanaleve diplomatike dhe me mbështetje të koordinuar me autoritetet vendase dhe partnerët ndërkombëtarë, u mundësua një reagim i shpejtë dhe i efektshëm. Me përpjekjet e Ministrisë për Evropën dhe Punët e Jashtme, në bashkëpunim të ngushtë me Ministrinë e Brendshme, operacioni u përmbyll me sukses brenda një periudhe të shkurtër, duke bërë të mundur që i riu të kthehej i sigurt dhe i shëndetshëm pranë familjes së tij”, thuhet në njoftim.
Ndërkohë e ëma e të riu ka deklaruar se djali i saj ndodhej prej 5 muajsh në Afrikë, por nuk dihet arsyeja pse ai kishte shkuar në Sierra Leone.
