Gjykata e Lartë ka vendosur të lërë në fuqi sekuestron për vilën e deputetes Monika Kryemadhi në rezidencën “Kodra e Diellit”, duke rrëzuar përfundimisht rekursin e saj.
Kryemadhi kishte kërkuar që të anulohej vendimi i Shkallës së Parë dhe Apelit të Gjykatës Kundër Korrupsionit dhe Krimit të Organizuar, por kërkesa e saj u refuzua, duke konfirmuar kështu sekuestron e vilës si pjesë e hetimeve të SPAK për pastrim parash dhe korrupsion.
Në dhjetor 2024, Gjykata e Posaçme e Apelit vendosi të hiqte sekuestron për vilën e Fatime Kryemadhit, nëna e Monika Kryemadhit, e cila ndodhet në të njëjtën rezidencë. Fillimisht, SPAK kishte kërkuar sekuestrimin e të dy vilave, por Apeli e riktheu pronësinë e njërës prej tyre tek e zonja.
Ndërkohë, ndaj Monika Kryemadhit dhe Ilir Metës janë ngritur tre akuza kryesore pwr pastrim parash, korrupsion dhe mosdeklarim i pasurisë
Akuzat lidhen me çështjet CEZ-DIA dhe lobimin e LSI-së në SHBA, ndërsa ndaj çiftit ka nisur një hetim pasuror për burimin e të ardhurave dhe transaksionet financiare të dyshimta.
