Njëmbëdhjetë vjet pas martesës, Wanda Nara dhe Mauro Icardi kanë vendosur të divorcohen: më 11 mars do të mbahet seanca e parë në Milano, edhe pse ajo – shkruan Corriere della Sera – do të kishte preferuar që procesi të zhvillohej në Argjentinë, ku ndjen se ka një kontroll më të mirë mbi mënyrën se si komunikon lajmin për publikun.
Të dyja palët do të paraqiten në gjyq me kërkesa të ndryshme për menaxhimin e pasurisë familjare: showgirl-i argjentinas ka kërkuar një pension mujor prej rreth 500.000 euro për divorcin dhe mirëmbajtjen e vajzave të tyre, duke qenë se ajo ka menaxhuar për një kohë të gjatë fitimet e ish-kapitenit të Interit.
Nga ana tjetër, Icardi ka kërkuar pezullimin e pasaportës së vajzave të tyre, të cilat janë shtetase italiane, pasi Wanda i kishte çuar në Argjentinë pa lejen e tij.
Seanca e parë e divorcit Icardi-Wanda Nara
Ish-sulmuesi i Interit ka kërkuar dhe ka marrë miratimin që procesi i ndarjes të zhvillohet në Itali dhe jo në Buenos Aires, siç dëshironte Nara. Ka shumë mundësi që ai të paraqitet në seancë me partneren e tij të re, China Suarez, e cila tashmë është në krah të tij në mënyrë të qëndrueshme.
Sipas Corriere della Sera, Wanda është gati të paraqesë kërkesa ekonomike marramendëse në gjyq: “Ndërmjet ndarjes dhe divorcit, për veten dhe për mirëmbajtjen e dy vajzave – shkruan gazeta milaneze – ajo kërkon nga sulmuesi një shumë totale prej gati 500.000 euro në muaj. Një shifër e çmendur, por në përputhje me një stil jetese që përfshin marrjen me qira të avionit privat si mënyrën e vetme të transportit”.
Lexo më tej: Keita Baldé padit Wanda Nara: i ka kërkuar asaj e Icardit dëmshpërblim me 6 zero
Një tjetër çështje e ndërlikuar është menaxhimi i pasurive të patundshme, përfshirë disa apartamente luksoze në Milano dhe vilën në Brienno, buzë liqenit të Comos, të cilat janë ende të regjistruara në kompaninë menaxhuese nga Wanda Nara.
Një tjetër temë e ndjeshme mbetet situata e vajzave Francesca dhe Isabella, për të cilat Icardi ka nisur një procedurë kthimi në Itali (ato janë shtetase italiane), pasi Wanda i kishte dërguar në Argjentinë pa lejen e tij.
Një histori dashurie e gjatë dhe e trazuar merr fund, ndërsa fillon një “luftë” ligjore: kush do të dalë fitimtar nga kjo betejë mes ish-çiftit të famshëm të showbiz-it?
