Detaje të reja janë mësuar nga vrαsja me armë zjarri mesditën e sotme në fshatin Dojan të Tropojës ku humbi jetën një person. Policia njoftoi se ngjarja ndodhi në lokalin e fshatit ku Flordian Mulaj, 35 vjeç goditi me armë zjarri 43-vjeçarin Artur Dauti duke e lënë të vdekur në vend.
Mediat raportojnë se autori dhe viktima ishin shokë prej kohësh dhe ngjarja e rëndë ka ndodhur teksa ata ishin duke konsumuar alkool. Madje thuhet se ata nuk kanë pasur as konflikte të mëparshme. Në një moment ka nisur konflikti mes tyre që ka agravuar deri në përdorimin e armës.
Nuk dihet ende shkaku i konfliktit, por dyshohet për motive banale. Në ndihmë të policisë lokale për kapjen e autorit kanë shkuar edhe Forcat Operacionale si dhe dy grupe të Forcës Kombëtare të Sigurisë së Shkodrës. ©LAPSI.al
