Autoriteti ndjekës i Madridit kërkoi të enjten pushimin e një çështjeje kundër gruas së kryeministrit spanjoll Pedro Sanchez. Një gjykatës në Madrid të mërkurën pranoi të shqyrtojë një ankesë private të paraqitur nga një aktiviste kundër korrupsionit kundër Begona Gomez për shitjen e dyshuar të ndikimit dhe korrupsionin e biznesit.
Më parë kryeministri i Spanjës Pedro Sanchez njoftoi se do të pezullojë ushtrimin e detyrës deri në javën e ardhshme për të vendosur nëse dëshiron të vazhdojë të udhëheqë qeverinë pasi një gjykatë nisi një hetim ndaj bashkëshortes. Sanchez, tha se po shqyrton mundësinë e dorëheqjes pasi një gjykatë hapi ndaj gruas së tij një hetim për mashtrim.
"Më duhet të bëj një pushim dhe të mendoj”, shkroi Sanchez në një letër të shpërndarë në platformën e mediave sociale X, ku njoftonte se do të pezullonte ushtrimin e detyrave të tij publike deri të hënën, kohë në të cilën do të ketë marrë një vendim.
