Një 36-vjeçar është arrestuar nga policia në Vaun e Dejës pasi lëvizte i armatosur. 36-vjeçari është lokalizuar në Fshat të Ri dhe sapo ka parë shërbimet e policisë ka tentuar të largohet.
Ai u vu në pranga ndërsa me vete i është gjetur 1 armë zjarri pistoletë me fishek në fole, të cilën e mbante pa leje. Arma, krehri dhe fishekët janë sekuestruar në cilësinë e provës materiale. Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Shkodër, për veprime të mëtejshme.
