Një re pluhuri “jashtëzakonisht intensive” nga Sahara po vazhdon rrugëtimin e saj nëpër Evropë. Shtëllunga e madhe e pluhurit ka udhëtuar në pjesën më të madhe të Spanjës për të arritur në Francën juglindore, Gjermani dhe cepin juglindor të Britanisë. Episodi i fundit, i cili ka nisur që nga 6 prilli, ka çuar në përqendrime të larta të PM10 në nivelin e tokës për Gadishullin Iberik dhe disa pjesë të Francës dhe Gjermanisë. Kjo ngjarje vjen pas një serie të përsëritur të episodeve të pluhurit Saharian që mbërritën në Evropë javët e fundit, raporton agjencia e BE-së.
Njerëzit në Spanjën jugore dhe lindore thithën ajër veçanërisht të ndotur, me disa stacione që regjistronin përqendrimet e PM10 katër herë mbi kufirin e lejuar. Mark Parrington, shkencëtar i lartë në CAMS, tha se reja aktuale e pluhurit është pjesë e të njëjtit model të motit të ngrohtë që solli gjithashtu temperatura të larta në Evropën Perëndimore ditët e fundit.
“Ndërsa nuk është e pazakontë që shtëllungat e pluhurit të Saharasë të arrijnë në Evropë, ka pasur një rritje në intensitetin dhe shpeshtësinë e episodeve të tilla vitet e fundit, të cilat mund t’i atribuohen ndryshimeve në modelet e qarkullimit atmosferik. Episodi pritet të përfundojë në mënyrë progresive të martën, duke arritur në Suedi, Finlandë, Balltik dhe Rusinë veriperëndimore,"- tha CAMS.
Ndonëse nuk është e pazakontë që shtëllungat e pluhurit të Saharasë të arrijnë në Evropë, ka pasur një rritje në intensitetin dhe frekuencën e episodeve të tilla në vitet e fundit, të cilat potencialisht mund t'i atribuohen ndryshimeve në modelet e qarkullimit atmosferik.
