Një trup i pajetë është gjetur në një fshat të Pogradecit, ndërsa dyshohet se i përket një 46-vjeçari që rezulton i zhdukur. Viktima ishte larguar nga banesa 4 muaj më parë dhe nga deklarimet e familjarëve, ai vuante nga probleme të shëndetit mendor.
'Më datë 09.04.2024, rreth orës 07:45, në fshatin Kalivaç, është gjetur trupi i pajetë (i dekompozuar) i shtetasit D. H., rreth 46 vjeç, banues në Kalivaç. Nga verifikimet e kryera rezulton se ky shtetas ishte larguar nga banesa e tij, para 4 muajsh, dhe nga deklarimet e familjarëve, ai vuante nga probleme të shëndetit mendor. Grupi hetimor po punon për sqarimin e rrethanave të rastit.’, njofton policia.
