Kanye West i rrëmbeu telefonin nga dora një gazetareje pasi ajo e pyeti nëse gruaja e tij, Bianca Censori, ka "vullnet të lirë".
Incidenti, i cili u kap në një video nga TMZ, ndodhi teksa reperi i "Flashing Lights" ishte rrugës për në ceremoninë Walk of Fame të Charlie Wilson në Bulevardin Hollywood.
Në video, ajo iu afrua West nga pas, duke e pyetur: "Njerëzit duan të dinë nëse Bianca ka vullnetin e saj të lirë pasi disa njerëz thonë se ju po e kontrolloni atë ..." Mirëpo, para se të përfundonte fjalinë e saj, reperi u kthye drejt saj dhe ia rrëmbeu telefonin nga duart.
Pavarësisht se nuk shikohej gjë, ai dëgjohej duke i thënë: “Mos më bëj të tilla pyetje. A je e cmendur?" Ai vazhdoi, "Unë jam një legjendë, unë jam këtu për të mbështetur Charlie Wilson dhe ju më pyesni disa budallallëqe për gruan time. Ajo është gruaja ime."
West vazhdoi të qortonte gazetaren duke e pyetur nëse ajo kishte ndonjë "vullnet të lirë" ose nëse "punon për djallin". Ndërsa ajo iu lut që t'i kthente telefonin, disa njerëz mund të dëgjoheshin duke u përpjekur për të qetësuar situatën.
Ndërveprimi vjen pasi u shfaqën raporte se Kanye e ka ndaluar gruan e tij të përdorë mediat sociale për mbrojtjen e saj. Sipas Daily Mail, reperi dyshohet se e ndalon Censorin të përdorë aplikacionet për të shmangur komentet negative. Megjithatë, kjo lëvizje e ka “izoluar” atë.
“Ai e bindi atë se, duke qenë se ajo është një yll tani, duhet të mbetet një mister dhe është rrëqethëse për ata që e njohin pasi ndihet si një formë tjetër kontrolli", u shpreh burimi./Lapsi.al
