Dominic West ka zbuluar së fundmi arsyen e prishjes së miqësisë me Princ Harry.
"Ne nuk patëm më komunikim sepse thashë më shumë seç duhet në një konferencë shtypi, dhe kështu, nuk folëm më pas," shpjegoi aktori i "Crown" gjatë episodit të "Sunday Morning" në Times Radio.
West, i cili luan Mbretin Charles III në serialin e Netflix, u shty më tej nga prezantuesja Kate McCann për të elaboruar më shumë mbi miqësinë e tij të prishur me Dukën e Sussex.
Ai shpjegoi se krisja e tyre ndodhi një vit pasi ata u kthyen nga eventi bamirës “Walking With the Wounded” në 2013 – një udhëtim me veteranë të plagosur nëpër Antarktidë.
Dominic - i cili ka qenë në "The Crown" që nga sezoni 5 - shpjegoi më tej se miqësia e tyre përfundoi " 10 vite më parë" dhe ai nuk ishte në gjendje të pyeste Harry për këshilla se si të luante Charles.
Në fillim të këtij muaji, ai zbuloi gjithashtu se e ndaloi djalin e tij, Senan West, të luante princin e ri William në shfaqje.
Aktori i "Chicago" tha në Radio Times se ai e pengoi 15-vjeçarin të merrte rolin sepse nuk ndihej rehat me historinë e sezonit 6.
“Ata e ftuan Senanin , por unë isha kundër. Ishte e padrejtë nga ana ime, sepse ai donte ta bënte, por nuk do ta kisha pëlqyer këtë, të jem i sinqertë.”/Lapsi.al
