Ryan Gosling u ribashkua së fundmi me Mark Ronson, producent i kolonës zanore të filmit Barbie: The Album, për të publikuar Ken The EP që përmban versione të reja të këngës origjinale të interpretuar nga aktori, "I'm Just Ken".
Së bashku me publikimin e EP-së, Gosling dhe Ronson, gjithashtu hodhën një video muzikore për "I'm Just Ken (Merry Kristmas Barbie)" të mërkurën. Përpara publikimit, Ronson hyri në Instagram dhe foli për vendimin e tyre për të bërë një version të ri me temën e Krishtlindjeve.
Edhe pse muzikanti zbuloi se ishte paksa nervoz për vokalin ", ai shkroi: "U deshën vetëm 2 ose 3 prova që unë të kuptoja se jo vetëm që [Gosling] do të ishte në gjendje të merrej me vokalin, por do tejkalonte çdo gjë që Andrew dhe unë mund të kishim shpresuar. Ai solli rezonancën emocionale të një aktori të madh që kishte jetuar në një rol për 6 muajt e fundit.
Kompozitori vazhdoi, duke shpjeguar se vetëm në nëntor ai dhe Ryan filluan të flisnin për "ëndrrën" e tyre se si mund të tingëllonte një version live. “Gjithsesi, ia dërgova këtë version të martën e kaluar dhe ne ishim si, 'a mund ta nxjerrim këtë brenda një jave?!'
Ai përfundoi, “Kështu që Ryan riregjistroi vokalin dhe ja ku jemi, një javë më vonë duke e servirur këtë version që ne e duam. Gëzuar festat.”
Ken EP mbërrin menjëherë pasi Barbie: The Album mori një sërë nominimesh për Golden Globe dhe Grammy.
Filmi me aktoren Margot Robbie kryeson me nëntë nominime në Golden Globes 2024, tre prej të cilave janë për këngën më të mirë origjinale. "I'm Just Ken", "Dance the Night" dhe Billie Eilish "What Was I Made For?"/Lapsi.al
