Një juri e madhe ka paditur Duane Keith "Keffe D" Davis në lidhje me vrasjeen e reperit Tupac Shakur.
"Një arrestim është bërë në Las Vegas në lidhje me vrasjen e reperit Tupac Shakur në vitin 1996", tha një burim i zbatimit të ligjit për CNN.
Shakur u qëllua dhe u vra ndërsa po largohej nga një ndeshje boksi në Las Vegas Strip. Vdekja e tij e parakohshme – reperi ishte vetëm 25 vjeç – ka qenë objekt i teorive konspirative dhe një hetimi prej dekadash.
Davis e ka vendosur veten prej kohësh në skenën e krimit, duke thënë se ai ishte në sediljen e përparme të Cadillac-ut të bardhë që ishte pranë makinës së Shakurit kur të shtënat u dëgjuan nga sedilja e pasme, duke vrarë muzikantin. Reperi u qëllua katër herë dhe vdiq gjashtë ditë më vonë.
Kur policia kontrolloi shtëpinë e gruas së Davis në korrik, ata sekuestruan një kopje të kujtimeve të tij , në të cilën detajonte jetën e bandës së rrugës dhe vrasjen e Shakurit. Në kujtimet, Davis e përshkruan veten si një nga dy dëshmitarët e gjallë, tjetri është Marion 'Suge' Knight, ish-CEO i Death Row Records, i cili tani po vuan dënimin në burg për vrasje nga pakujdesia për një rast që nuk ka lidhje.
Vëllai i Tupac, Mopreme Shakur, i cili është gjithashtu reper, reagoi duke thënë se lajmi për arrestimin e Davis është "i hidhur". “Kemi kaluar dekada dhimbjeje. Ata kanë vite që e dinin për këtë djalë”, u shpreh ai. "Pra, pse tani? Për ne kjo nuk ka mbaruar. Ne duam të dimë pse, dhe nëse ka pasur ndonjë bashkëpunëtor./Lapsi.al
