Angelina Jolie pranoi se të qenit nënë beqare e ka "shpëtuar" atë nga mendime "shumë më të errëta".
Në një intervistë të re për Vogue, aktorja foli se si përqendrimi tek prindërimi në mes të divorcit të saj të trazuar nga Brad Pitt e ka mbajtur atë gjatë viteve.
“Isha 26 vjeç kur u bëra nënë. E gjithë jeta ime ndryshoi. Të kesh fëmijë më shpëtoi – dhe më mësoi të jem në këtë botë ndryshe”, tha ajo për median. “Mendoj se kohët e fundit do të isha në një vend shumë më të errët nëse nuk do t'i kisha.”
Jolie dhe Pitt, të cilët njoftuan divorcin e tyre në 2016 pas 12 vitesh së bashku, kanë gjashtë fëmijë: Maddox, 22, Pax, 19, Zahara, 18, Shiloh, 17 dhe binjakët Vivienne dhe Knox, 15 vjeç.
Pa ndarë shumë, Jolie la të kuptohet se jeta ka qenë e vështirë për të gjithë familjen vitet e fundit. "Ne kishim shumë shërime për të bërë," shpjegoi ajo. “Ne ende po gjejmë bazën tonë.”
Aktorët u takuan për herë të parë në xhirimet e "Mr. & Mrs. Smith” ndërsa Brd ishte ende i martuar me Jennifer Aniston. Pavarësisht se të dy u lidhën menjëherë, aktori ka mohuar aludimet se ka tradhëtuar aktoren e "Friends".
Pitt dhe Jolie u bënë shpejt një nga çiftet më të famshëm të Hollivudit. Ata u martuan në gusht 2014 dhe mirëpritën gjashtë fëmijë së bashku gjatë viteve. Gjithsesi, gjithçka mori një kthesë në vitin 2016, kur u publikua lajmi se ata kishin vendosur të ndaheshin. Të dy thuhet se kanë pasur një debat të ashpër gjatë një fluturimi privat me fëmijët e tyre./Lapsi.al
