Komediani Russell Brand u bllokua nga fitimi i parave nga kanalet e tij në YouTube për shkak të akuzave për sulm s*sual.
Kanali kryesor i Brand-it në YouTube, me 6.6 milionë abonentë, është një nga llogaritë e dukshme të ndikuar nga ky pezullim. Si rezultat, ai nuk do të jetë më në gjendje të fitojë të ardhura nga reklamat e shfaqura brenda dhe krahas videove të tij, të cilat mbulojnë një gamë të gjerë temash.
Kanalet e tjera të Brand-it në YouTube, duke përfshirë "Awakening With Russell" me 426,000 abonentë, "Football Is Nice" me 20,000 abonentë dhe "Stay Free With Russell Brand" me 22,200 abonentë, gjithashtu preken nga ky pezullim.
Pavarësisht nga kjo pengesë në YouTube, aktori është i pranishëm në platforma të tjera të mediave sociale. Kanali i tij në Rumble, një platformë e njohur në mesin e grupeve të caktuara konservatore dhe të ekstremit të djathtë, ka 1.4 milionë ndjekës. Për më tepër, ai ka 11.2 milionë ndjekës në X (i njohur më parë si Twitter) dhe 3.8 milionë në Instagram.
Akuzat kundër Brand u shfaqën në një dokumentar televiziv të Channel 4, si dhe në gazetat The Times dhe The Sunday Times. Katër gra janë paraqitur me akuza për sulme se*suale, të cilat datojnë mes viteve 2006 dhe 2013.
Një nga akuzueset pretendoi se ajo ishte sulmuar se*sualisht gjatë një marrëdhënieje me Brand kur ishte vetëm 16 vjeç, ndërsa një grua tjetër pretendoi se ai abuzzoi me të në Los Anxhelos në vitin 2012. Në përgjigje të këtyre akuzave, Policia Metropolitane e Londrës konfirmoi se ka marrë një raport për një sulm se*sual të veçantë që daton që nga viti 2003./Lapsi.al
