Video/ Çmenduri në pistën e Nascar: thyen xhamin dhe rreh me grushta rivalin ende në makinë

Në fillim aksidenti në pistë, më pas një breshëri grushtash dhe shkelmash ndaj rivalit në pistë. Rrahjet, për fat të keq, nuk janë një ngjarje e paprecedentë në botën e motorëve. Por ajo që ndodhi në etapën e Nascar të planifikuar në Virxhinia, më 24 shtator, ishte krejt surreale. Askush mes spektatorëve nuk do ta kishte imagjinuar atë që Andrew Grady bëri për të shprehur zhgënjimin e tij për aksidentin. Piloti sulmoi rivalin dhe kolegun Davey Callihan, ndërsa ky i fundit ishte ende në makinë. Një episod i trishtë që bëri xhiron e botës. DINAMIKA— Gjithçka nisi në pistë, gjatë kualifikueseve në Martinsville Speedway për ValleyStar Credit Union 300. Flasim për një nga ngjarjet kryesore në kategorinë Late Model Stock. Në të merrnin pjesë 93 formacione të regjistruara me 40 vende në dispozicion për garën. Gjatë një prej katër xhirove selektive, Grady u përfshi në një aksident me Brandon Pierce. Por piloti fajësoi Callihan për atë që ndodhi. Sipas asaj që vetë Grady shpjegoi, situatën e përkeqësoi një gjest i vrazhdë i Davey. Një episod që çoi te përleshja. AGRESIONI— Pamjet tregojnë Grady teksa shpërtheu xhamin e makinës së rivalit të tij, ndërsa ky i fundit ishte ende brenda. I përfshirë nga një tërbim i pakontrollueshëm, Andreë goditi me grushta pilotin tjetër, përpara se të largohej me vështirësi nga njerëzit e ekipit të tij. Callihan e justifikoi manovrën e tij në pistë duke shpjeguar se ai e bëri punën e tij në Road and Track: "Bëra atë që duhej. Nuk lejohet asnjë centimetër kur janë 95 makina në pistë". Vështirë, megjithatë, që të mjaftojnë këto fjalë për t'u pajtuar me kundërshtarin.

View this post on Instagram

A post shared by NASCAR Roots (@nascarroots)