Deri para disa vitesh ai konsiderohej si një nga mesfushorët më të mirë në Evropë, por parabola e Allan pësoi një rënie të papritur. I mbërritur te Everton nga Napoli për 25 milionë euro plus 3 bonuse në vitin 2020, mesfushori e kishte nisur mirë aventurën e tij në Premier League. E të mendosh që aty e mori Carlo Ancelotti, me insistim. Megjithatë, pas lamtumirës së Carlettos, diçka ndryshoi. Braziliani filloi të shihte gjithnjë e më pak fushën me Benitez dhe, më pas, u zhduk përgjithmonë nga radari. Kjo ndodhi me mbërritjen e Frank Lampard në Goodison Park. Tani, në moshën 31-vjeçare, ai ka vendosur të largohet nga Anglia, dhe me shumë mundësi edhe nga futbolli që ka rëndësi.
Në sezonin aktual, Allan nuk ka luajtur asnjëherë me fanellën e Toffees. 5 ndeshje në pankinë dhe 3 edhe jashtë thirrjes. Një situatë që, sipas asaj që u raportua nga Anglia, e ka shtyrë brazilianin të ndryshojë ajër. Megjithatë, destinacioni i tij i ardhshëm nuk do të jetë një klub i nivelit të lartë, por Al-Wahda, një klub futbolli nga Emiratet me bazë në Abu Dhabi. Everton tashmë ka dhënë aprovimin për shitjen e plotë. E duke qenë se merkatoja e Emirateve do të mbyllet më 4 tetor, kanë mbetur edhe disa ditë për të finalizuar marrëveshjen menjëherë.
AL-WAHDA
Sipas të gjitha gjasave, mesfushori brazilian do të nënshkruajë një kontratë me një pagesë shumë të rëndësishme. Si ndodh gjithnjë në Emirate për futbollistë të njohur. Fakt është se lëvizja e tij në Abu Dhabi konfirmon braktisjen e çdo ambicieje në nivel profesional. Duken shumë larg vitet në të cilët braziliani dominoi në Serie A me fanellën e Napolit. E megjithatë ka ndodhur vetëm në vitin 2020. Në verë u përfol për një interesim të Lazios nga ish-trajneri i tij Maurizio Sarri, por ky interes nuk u materializua kurrë.
