Paulo Dybala ende nuk ka shkelur në kryeqytet, megjithatë Roma tashmë është çmendur pas tij. Nesër mbrëma, menjëherë pas ndeshjes së fundit miqësore ndaj Nicës, skuadra do të kthehet në Itali dhe me siguri do të ketë tifozë të shumtë që do të presin Dybala në Fiumicino. Sigurisht, Olimpico do të jetë i gjithi për të më 7 gusht, kur Roma do të luajë ndeshjen e fundit miqësore të para-sezonit kundër Shakhtar.
FANELLAT DHE RRJETET SOCIALE - Ndërkohë në pesë ditët e fundit ka pasur pesë gjeste adhurimi që romanët dhe romanistët kanë dashur t'i kushtojnë Dybalas. Askush nuk ka bërë kurrë më mirë se ai në shitjen e fanellave që në ditët e para të blerjes. Flitet për mijëra fanella të shitura, në Romë dhe jashtë saj, me numrin 21 dhe emrin e Paulos. Një bum që, objektivisht, shoqëria e priste dhe e shpresonte, por ndoshta as në nivelet e larta të EUR nuk e menduan kaq të fortë. Bum që ka prekur edhe profilin social të vetë lojtarit: stafi i argjentinasit priste një rënie, me braktisjen e shumë tifozëve të Juventusit, por ndërkohë nga e diela deri më sot, profili i tij në Instagram është rritur nga 47.7 në 48 milionë ndjekës. Numra të destinuar të shtohen, sidomos nëse Dybala, me Murinjon në pankinë, do të rikthehet fenomeni që ka qenë gjithmonë përpara se ta penalizonin dëmtimet.
AKULLORE E BIRRA - Në Romën E çmendur për të nuk mungojnë dedikimet. Një dyqan akulloresh në Largo Bergamelli, pranë Via del Portonaccio në Tiburtina, krijoi akulloren Joya, me mango dhe qershi të zezë, ndërsa bari "16Birra", në zonën Portafurba, i kushtoi një kanaçe të pijes. E tashmë ka një sërë restorantesh që mezi presin ta mirëpresin atë dhe të dashurën e tij Orianën.
MURALESI DHE FËMIJËT— Në Rione Monti, pak metra nga ai për Josè Mourinhon, është shfaqur një mural 7 metra, i krijuar nga Anonimo74, që përshkruan Dybala si "San Paulo la Joya". Veshja përfaqësues, fytyrë krenare dhe një top në dorën e djathtë, me krahun ngritur: kështu shihet argjentinasi jo vetëm nga artisti, por nga të gjithë romanistët.
Sidomos nga të vegjlit: nga të gjitha fanellat e shitura tashmë, një përqindje e mirë (duket më shumë se 30%) i takon moshave nën 16 vjeç. Fëmijë dhe të rinj që preferonin Zaniolon, Abraham dhe Pellegrinin, tani janë gati të dashurohen marrëzisht me Paulon dhe lojërat e tij në fushë.
