Përplasja e fortë mes La Ligas dhe Paris Saint-Germain për cështjen Mbappé vazhdon akoma. Sipas AFP, organizata spanjolle e futbollit i ka kërkuar gjykatës administrative të Parisit që të ndërpresë kontratën e sulmuesit me klubin francez. Por kjo nuk është e gjitha. La Liga ka kërkuar gjithashtu anulimin e miratimit të llogarive të klubit nga DNCG, organi që mbikëqyr situatën financiare të klubeve të Ligue 1.
Për momentin këto dy kërkesa nga Spanja janë refuzuar përkohësisht për mungesë urgjence nga autoritetet franceze, por së shpejti gjithçka do të shqyrtohet në detaje në kohën e duhur. Një vendim që nuk befasoi La Liga. "Ne e prisnim - shpjegoi Juan Branco, avokati francez i federatës iberike të futbollit -. Ishte një apel teknik, ajo që ka rëndësi është gjykimi në themel".
