Flash

Barcelona gjen një 'truk' për të zyrtarizuar Christensen e Kessié

Lapsi.al 29 June 2022
Barcelona gjen një 'truk' për të zyrtarizuar

Andreas Christensen dhe Franck Kessié u larguan respektivisht nga Chelsea dhe Milan për t'u transferuar te Barcelona në një transfertë të lirë, por lojtarët ende nuk janë zyrtarizuar dhe prezantuar. Klubi, në fakt, nuk mund të regjistrojë dy të ardhurit e rinj për shkak të kufizimeve të Fair-play financiar. Duke regjistruar marrëveshje të reja, Blaugranat nuk do të mund të respektonin kufirin e pagave të vendosur nga La Liga. Nuk është hera e parë që Barcelona përballet me një problem të tillë, por edhe një herë ka gjetur një truk.

Situata delikate ekonomike do ta detyrojë shoqërinë blaugrana të fokusohet shumë në rregullimet e pagave për të respektuar Fair Play. Për momentin, klubi nuk ka prezantuar Franck Kessié dhe Andreas Christensen dhe nënshkrimi i tyre do të zyrtarizohet kur ata të mund të integrohen zyrtarisht në skuadrën e drejtuar nga Xavi Hernández. Barça, megjithatë, siç raporton Sport, më në fund e ka gjetur një zgjidhje për të zyrtarizuar dy ardhjet e reja.

Klubi po rregullon kontratat e mesfushorit nga Bregu i Fildishtë dhe mbrojtësit danez. Natyrisht që klubi po respekton marrëveshjet e bëra me të dy lojtarët, por po bën rregullime të vogla, në bazë të shifrave të dakorduara, për t'ia dalë mbanë. Blerjet duhet të zyrtarizohen nga data 30 qershor, kur do të ketë përfunduar viti financiar 2021/22 dhe bordi drejtues i Joan Laporta të ketë aktivizuar fondin e të drejtave televizive.

Të këshilluara

ide

Parodia me taksimin e të pasurve nga kryeministri i tyre

Pavarësisht nga retorika, nuk mund të përkundet asnjë iluzion, se Edi Rama i është bashkuar trendit global për reduktimin e pabarazive. Sepse debati që po gëlon sot ka në thelb shqetësimin se mos thellimi i tyre po çon drejt shkatërrimit të demokracisë. Ndërsa tek ne ndodh e kundërta. Eshtë vullneti për të asgjesuar demokracinë që po prodhon më shumë pabarazi

13:31 Andi Bushati

MOTI TIRANA

13°c

KËMBIMI EURO

89.78

aktuale

Ndiqe Lapsin edhe në

Me interes nga publiku

Me sytë katër

PAPARAZZI