Antonio Rüdiger është një lojtar i ri i Real Madrid. Mungon ende njoftimi zyrtar, i cili do të mbërrijë në fund të sezonit, por kalimi i mbrojtësit gjerman nën urdhërat e Carlo Ancelottit tashmë është një punë e kryer. Sipas Marcas, gjermani tashmë ka kryer ekzaminimet mjekësore dhe ka gjetur marrëveshjen përfundimtare për një kontratë deri në vitin 2026, me një pagë që, përfshirë bonuset, mund të arrijë deri në 10 milionë euro në sezon. Për mbrojtësin, që shkon në skadencë me Chelsea më 30 qershor, është menduar edhe një klauzolë lirimi prej 400 milionë euro.
Kështu, Rüdiger është gati të zbarkojë në Spanjë pas përvojave të tij në Gjermani me Stuttgartin, në Itali me Romën dhe në Angli me Chelsean, një klub me të cilin ai ka fituar gjithçka ndërkombëtarisht (Europa League, Champions League, Superkupa evropiane dhe Botërorin e klubeve).
Reali bën kështu një goditje të rëndësishme me parametër zero, por për zyrtarizimin do të presë javën pas finales së Champions League më 28 maj, ku të gjithë janë të fokusuar aktualisht. Mbi qendërmbrojtësin gjerman ishte hedhur edhe Juventus, por kërkesat ekonomike të stafit të gjermanit, të cilat për një kohë të gjatë bënë që edhe Florentino Perez të lëkundej, e bindi klubin bardhezi të dorëzohej.
