Gati gjashtë muaj, saktësisht 173 ditë, pas asaj Danimarkë-Belgjikë që trembi gjithë botën, Christian Eriksen është rikthyer në fushë. Mesfushori i Interit ka kryer një stërvitje kardio-vaskulare të mbyllur me një ushtrim me goditje drejt portës: është hera e parë që nga infarkti në Euro 2020 dhe implantimi i pajisjes së defibrilimit. Eriksen po stërvitet në Ådalen, ku qëndron me familjen që nga vera e kaluar, në qendrën sportive të OB.
"Jemi vërtet të lumtur që Christian po mbahet në formë në fushat tona. Ne kemi qenë në kontakt me të që kur ai u rrit këtu dhe kështu jemi të lumtur që na pyeti nëse mund të stërvitej për t'u rikthyer në formë", ishin fjalët e Michael Hemmingsen, drejtori sportiv i OB, në BT.dk.
Pasi fitoi betejën për jetën, 29-vjeçari tashmë konfirmon dëshirën e tij për t'u rikthyer - në kohën e duhur dhe miratimin e mjekëve - në futbollin e luajtur. Nëse te Inter (por me një sistem defibrilimi nuk do të kishte dritë jeshile nga FIGC) ose diku tjetër, në këtë moment ka pak rëndësi.
