Një ish-futbollist mund të përfundojë të jetë edhe mbi peshë, rastet për të patur një ide janë të shumta e më i famshmi është ai i Fenomenit Ronaldo, por nëse bëhet fjalë për një lojtar që është tërhequr zyrtarisht nga futbolli kompetitiv vetëm një muaj më parë, atëherë është e kuptueshme përse fotot e tij u bënë menjëherë virale.
Samir Nasri më 26 shtator njoftoi lamtumirën e tij për futbollin, por kishte qenë pa një ekip prej pothuaj një viti, pas përvojës së tij te Anderlecht. Sidoqoftë, forma fizike e 34-vjeçarit i habiti të gjithë në mediat sociale kur ai u shfaq mbipeshë, në mënyrë të frikshme madje, në "Match des Heros" (ndeshje bamirësie me ish-kampionët e Olympique Marseille).
